तिमी, मदेखि टाढिनुको कारण के थियो,
मलाई यसरी चोट दिनुको कारण के थियो ?
भाग्यले नै दिएको यो उपहार तिम्रो,
हरियाली खुशियाली सुन्दर संसार तिम्रो,
यसरी आज उजाडिनुको कारण के थियो ?
तिमीले नै माया गर्छु भनेकी हौ पहिले,
त्यति बेला तिम्रो दिल दुखाउन चाहिनँ मैले,
अहिले तिमी नै तर्किनुको कारण के थियो ?
नरसाउदै पानीको मूल डाँडा पाखाबाट,
मायाको किरण झुल्किने तिम्रा आँखाबाट,
आँसुका थोपा बर्सिनुको कारण के थियो ?
हिजोसम्म तिम्रै साथमा रहि बाँचु भन्थ्यौ,
तिमी संगै रोऊँ तिमी संगै हाँसु भन्थ्यौ,
पराइको दिलमा बास लिनुको कारण के थियो ?
अहिले मलाई तिमीले छोड्नु थियो भने,
यदि तिम्रो दिलमा कोहि अरु थियो भने,
मसँग तिमी नजिकिनुको कारण के थियो ?
मन छुने नेपाली गीति शब्दहरू:
रचना: क-बिनाको मनोज
FOLLOW us for more updates.
कोई टिप्पणी नहीं:
एक टिप्पणी भेजें